ibrahim kalin amérika kéngesh palata ezasi lindséy graham bilen körüshti

türkiye awazi radiyosi xewiri: jumhur reislik bayanatchisi ishxanisidin élan qilinghan bayanatqa asaslanghanda, mabeyn sariyida ötküzülgen uchrishishta, özara siyasiy we iqtisadiy munasiwetler, térorluqqa qarshi küresh, mudapie sanaiti hemkarliqi, ukraina-rusiye urushi, qara déngizdiki ashliq tiransporti, süriye, ege déngizi we aq déngiz qatarliq rayon xaraktérliq mesililer muzakire qilinghan.

uchrishishta deslepte, ispaniyening paytexti madridta ötküzülgen shimaliy atlantik ehdi teshkilati bashliqlar yighini we maqullanghan yéngi istratégiyilik chüshenche muzakire qilinghdi. bashliqlar yighinining axirida, ikki dölet rehberlirining ijabiy keypiyatta ötküzgen uchrishishliridin razimenliki bildürüldi.

türkiye-amérika munasiwetlirining öz-ara hörmet we chüshinish asasida, ortaq we istratégiyilik menpeetni asas qilghan halda ilgirilishi kérekliki otturigha qoyuldi. mudapie sanaiti sahesidiki hemkarliq we F-16  mesilisidiki ilgirileshlerning her ikki döletning menpeetige xizmet qilidighanliqi bildürüldi.

uchrishishta yene, türkiyening qara déngizda ashliq tiransporti üchün bixeter karidor échish tirishchanliqining yuqiri baha we alqish bilen qarshi élinghanliqi eskertilip, bu tiransportning muweppeqiyetlik emelge ashurulishining dunya ashliq bixeterliki nuqtisidin istratégiyilik ehmiyetke ige ikenliki tekitlendi.

ege déngizi we aq déngiz mesilisidiki xelqara jemiyetning türkiyening qanunluq heq - hoquqigha hörmet qilishi kérekliki tekitlinish bilen birge yene, türkiyening dölet bixeterlikige  shundaqla süriyening zémin pütünlüki we siyasiy birlikige tehdit séliwatqan p k k/y p g we daéshni öz ichige alghan barliq térorluq teshkilatlirigha qarshi ayrip olturmastin qetiy küresh qilish kérekliki uqturuldi.