jumhur reis erdoghan pirézidént baydin bilen körüshti
jumhur reis rejep tayyip erdoghan, «shimaliy atlantik ehdi teshkilati — natoni kücheytish üchün tashlinidighan qedemler rusiye-ukraina (tinchliq) musapisige alahide töhpe qoshidu» dédi.
türkiye awazi radiyosi xewiri: jumhur reis erdoghan ispaniyening paytexti madridta chaqirilghan nato bashliqlar yighini jeryanida amérika pirézidénti jo baydin bilen körüshti؛ u uchrishishtin ilgiri bayanat bérip, baydin bilen aridin uzun waqit ötkendin kéyin qayta uchrishidighan bolushidin memnun ikenlikini éytti.
bu qétimqi nato bashliqlar yighinining küntertipining nahayiti küchlük we zich ikenlikige isharet qilghan erdoghan, «ishinimenki, ete dawam qilidighan bashliqlar yighinidin döletlirimizge zich küntertipler bilen qaytish pursitige érishimiz. amérika qoshma ishtatliri bolush süpitinglar bilen silerning bu ishta bashlamchi rol oynishinglar, natoni kücheytish yolida tashlinidighan qedemlerge, bolupmu rusiye - ukraina mesilisini hel qilish musapisige alahide töhpe qoshidu» dégenlerni qeyt qildi.
jumhur reis erdoghan yene, 24 - féwraldin buyan dawam qiliwatqan rusiye-ukraina urushining ashliq we yéqilghu sahesige selbiy tesirlerni körsetkenlikini otturigha qoyup, «biz tengpungluqni saqlash siyasiti arqiliq bu mesilini hel qilishqa tirishiwatimiz. bu siyasetning ünümlük bolushini ümid qilimiz» dédi.
