türkiye ukrainadiki urushni derhal toxtitishqa chaqirdi

türkiye ukrainadiki weyran qilghuch urushni derhal toxtitishqa chaqirdi

1848969
türkiye ukrainadiki urushni derhal toxtitishqa chaqirdi

türkiye awazi radiyosi xewiri: türkiye jumhuriyiti tashqi ishlar ministirliqi yazma bayanat élan qilip, rusiyening ukrainaning kréménchuk shehiridiki nurghun kishi soda – sétiq qiliwatqan bir soda sariyigha bashqurulidighan bomba étishi netijiside adem ölüsh we yarilinish ehwalining körülgenlikidin chongqur qayghurush ichide xewer tépilghanliqini bildürdi.

bayanatta, yéqindin buyan ukrainaning paytexti kiyéwni öz ichige alghan her qaysi sheherlerdiki puqralar olturaq rayonlirimu zerbe obyékti qilinghan bu xil hujumlarning ukrainadiki urushning rehimsizlikini yene bir qétim ashkarilap, uzun muddetlik tinchliqqa bolghan jiddiy éhtiyajni otturigha qoyghanliqi tekitlinip: «bu munasiwet bilen, bu weyran qilghuch urushning derhal toxtitilip, mesilige diplomatik hel qilish charisi tépish pikrini aldinqi orungha qoyush chaqiriqimizni yene bir qétim küchlük tekitleymiz» dégen ibarilerge orun bérildi.



مۇناسىۋەتلىك خەۋەرلەر