сулайман сойлу: «йил бешидин буйан 44 миң 933 қанунсиз көчмәнни өз дөләтлиригә йоллидуқ»
түркийә ички ишлар министири сулайман сойлу йил бешидин буйан түркийәдә 126 миң қанунсиз көчмәнниң қолға чүшкәнликини ейтти.
түркийә авази радийоси хәвири: түркийә ички ишлар министири сулайман сойлу измирда бир мурасимда сөзилигән нутуқида, қанунсиз көчмәнләрниң түркийәгә келишиниң алдини елиш үчүн зор тиришчанлиқ көрситиватқанлиқлирини, әмма сүрийәлик көчмәнләрни қанунсиз көчмәнләр билән арилаштурувалмаслиқ керәкликини билдурди.
сулайман сойлу 510 миң сүрийәликниң бихәтәр районларға қайтиқанлиқини тәкитлиди.
у қолға чүшкән қанунсиз көчмәнләргиму инсанпәрвәрлик билән муамилә қилинғанлиқини чүшәндүрүп, бу кишиләрни улар тәвә дөләтләр билән түзүлгән келишимләр рамкисида өз дөләтлиригә қайтурувәткәнликлирини әскәртти.
у: «биз йил бешидин буйан тәхминән 126 миң қанунсиз көчмәнни туттуқ. тинимсиз хизмәт қиливатимиз. әнглийәму көчмәләрни ривандаға әвәтмәкчи иди, әвәтмиди, бир кишиниму әвәтәлмиди. биз қанчә кишини әвәттуқ? биз йил бешидин буйан 44 миң 933 кишини өз дөләтлиригә йоллидуқ» деди.
