kalin madridta töt terep yighini ötküzülidighanliqini bildürdi

jumhur reislik mehkimisining bayanatchisi ibrahim kalin ete (27-iyun) ispaniye paytexti madridta jumhur reis rejep tayyip erdoghanning qatnishishi astida, türkiye, nato, shiwétsiye we finlandiye bashliqlar yighinining ötküzülidighanliqini bildürdi.

1848433
kalin madridta töt terep yighini ötküzülidighanliqini bildürdi

türkiye awazi radiyosi xewiri:türkiye jumhur reislik mehkimisining bayanatchisi ibrahim kalin bir téléwziye qanlida küntertip toghrisida muhim bayanatlarni élan qildi.

u: «seyshenbe küni (2022-yili 28-iyun) nato bash katipi stolténbérgning teklipige binaen jumhur reis rejep tayyip erdoghanning qatnishishi astida, türkiye, nato, shiwétsiye we finlandiye bashliqlar yighini ötküzülidu. nato bashliqlar yighinidin ilgiri bu yighin ötküzülidu. biz mesililerni muzakire qiliwatimiz. buning köp basquchliri bar. men finlandiye we shiwétsiyelik mensepdashlirimgha munularni dédim: siler 200 yilliq bitereplik siyasitinglardin waz kéchip, bir herbiy ittipaqqa eza bolushni qarar qildinglar. buni emelge ashurush üchün siler shiwétsiye we finlandiyede chong özgirish hasil qilishinglar kérek. qanun-tüzüm we asasiy qanungha özgertish kirgüzüshünglar kérek. shuningdek, bu özgirishni p k k we uning gumashtiliri bolghan y p g|p y d hemde ulargha oxshaydighan térrorluq teshkilatlirighimu körsitishinglarni telep qilimiz. bu chong özgirishlerni élip bérish tes emes, shundaqla imkaniyetsizmu emes.

ular (shiwétsiye we finlandiye) bu toghrida bir qatar qedemlerni tashlaydighanliqini éytiwatidu. bergen wedilirini xatirilewatimiz. wede bérish bilen konkrét qedem tashlash oxshimaydu. bularning hemmsining yazmiche bolushini telep qilimiz. chong jehette pikir birliki hasil qilduq, kélishelmigen bir qanche téma bar. ete madridta shiwétsiye we finlandiyedin biwaste p k k, y p g, p y d gha oxshash térrorluq teshkilatlirigha qarshi éniq we keskin pozitsiye tutushini telep qilimiz. bu süriyediki p y d bilen y p gnimu öz ichige alidu» dédi.

ispaniye paytexti madridta seyshenbe we charshenbe künliri nato bashliqlar yghini ötküzülidu.



مۇناسىۋەتلىك خەۋەرلەر