aqar engliye dölet mudapie weziri bilen körüshti

türkiye awazi radiyosi xewiri: türkiye dölet mudapie ministirliqining bildürüshiche, ministir aqar, engliye dölet mudapie weziri bén wallésni herbiy murasim arqiliq qarshi alghan.

ikki ministir aldi bilen ayrim körüshken, andin heyetler ara uchrishishlargha riyasetchilik qilghan.

ukraina kirizisini öz ichige alghan rayonluq mudapie, bixeterlik, dölet mudapiesi sanaiti saheliride hemkarliq ornitish mesililiri boyiche özara pikir almashturulghan uchrishishlarda, ministir aqar, türkiye – engliye munasiwetlirining istiratégiyelik hemrahliq asasida her sahede üzlüksiz dawamlishiwatqanliqini eskertken, hemde dölet mudapie sanaitidiki hemkarliq üchün éksport ijazetnamisini emeldin qaldurush arqiliq qolgha keltürülgen heriketlendürgüch küchning nahayiti zor ehmiyetke ige ikenlikini tekitlesh bilen bir waqitta, bölgünchi térrorluq teshkilati p k k/y p g, daésh we fethullahchi térrorluq teshkilati qatarliq térrorluq teshkilatlirini öz ichige alghan térrorizmgha qarshi  küreshte hemkarliqning muhimliqini qeyt qilghan.

u yene, ukrainaning musteqilliqi, zémin pütünlüki we igilik hoquqini qollash arqiliq rayonda tinchliq we muqimliqning qaytidin ornitilishi üchün, derhal urush toxtitish élan qilinishi kéreklikini otturigha qoyghan, ashliq mesilisini hel qilish tirishchanliqlirining mas qedemde dawam qiliwatqanliqini bayan qilghan.

uchrishishlarda yene, herbiy meshiq hemkarliq paaliyetlirini dawamlashturush toghriliqmu birdeklik hasil qilinghan.