түркийә билән сербийә оттурисида кимлик биләнла өтүш хизмити йолға қойулиду

түркийә авази радийоси хәвири: сербийә һөкүмити тәрипидин бу һәқтә елан қилинған байанатта, икки дөләт мунасивәтлирини тәрәққий қилдуруш үчүн имзаланған келишимгә асасән, буниңдин кейин, түркийә вә сербийә пуқралириниң кимликлири биләнла бу дөләтләргә кирәләйдиғанлиқи оттуриға қойулди.

бу хизмәтниң һәр икки дөләтниң иқтисадиға төһпә қошидиғанлиқи әскәртилгән байанатта, бу арқилиқ өзара сайаһәтчиләр нисбитиниң ешишиниң күтүлүватқанлиқи қәйт қилинди.

түркийәниң белград баш әлчиси һами ақсой, сербийә һөкүмити чиқарған бу қарардин кейин, кимлик ​​биләнла сайаһәт қилиш хизмитиниң башлиниши үчүн, қисқа вақит ичидә тәрәпләр оттурисида келишим имзалинидиғанлиқини билдүрди.