erdoghan: türkiyening yaman niyetliklerge béridighan bir ghérichmu zémini yoq
jumhur reis rejep tayyip erdoghan héchkimning zéminida, igilik hoquqida közi bolmighan türkiyening yaman niyetliklerge béridighan bir ghérichmu zémini yoqluqini éytti.
türkiye awazi radiyosi xewiri: ezerbeyjan pirézidénti ilham eliyéwning teklipige binaen bu dölette yétip barghan jumhur reis erdoghan, türkiye sirtida tunji qétim paytext bakuda ötküzülgen «awiyatsiye, alem qatnishi we téknofést (téxnologiye féstiwali) ezerbeyjan» ning közetküchiler bayrimigha qatnashti, hemde bu yerde qilghan sözide, janjiger ezerbeyjaning musteqilliq künide, bu dölette bolushtin özini tolimu shereplik hés qilidighanliqini, tarixtin élinghan ilhamning türtkiside, ikki dölet otturisidiki dostluq, birlik we barawerlikni yenimu yüksek sewiyege yetküzgenliklirini tekitlep mundaq dédi: «anadolugha oxshash, bu yermu bizning zéminimiz, türkiyening her bir ghérich zéminimu silerning wetininglar bolidu. ikki terep munasiwetlirini peqet rayonla emes, pütkül dunya ülge qilidighan sewiyege yetküzduq.»
jumhur reis erdoghan, yoluqqan barliq adaletsizlik we qanunsizliqlargha qarimay, diplomatiye, iqtisad we medeniyet saheliride alemshumul muweppeqiyetlerni qolgha keltürüwatqan ezerbeyjandin pexirlinidighanliqlirini tekitlep mundaq dédi: «biz bésimdin tehdittin qorqidighanlardin bolmiduq, buningdin kéyinmu esla bolmaymiz. biz ishghaliyet we adaletsizlikke qarshi ikenlikimizni herdaim otturigha qoyushtin qilche bash tartmiduq, buningdin knm shundaq qilimiz. bizning héchkimning zéminida, igilik hoquqida közimiz bolmighinidek, yaman niyetliklerge béridighan bir ghérichmu zémini yoqtur, bundaq bolushimu mumkin emes.»
u yene, rlq tinchliq we muqimliq namidin eliyéwning erméniye bilen ormaqchi bolghan uzaq mezgillik tinchliq pilanini türkiye bolush süpiti bilen qizghin qollawatqanliqlirinimu sözlirige ilawe qildi.
erdoghan bilen eliyéw, téknofést (téxnologiye bayrimi) dairiside ezerbeyjan hawa armiyesi bilen türk cholpanliri we solotürk etritining maharet körsitish murasimigha qatnashti.
ikki rehber kéyinche, asan mulazimet merkizi we baku ilim-pen merkizini ishqa kirishtüridu.
kechlik tamaq ziyapitide ezerbeyjan pirézidénti ilham eliyéw bilen bir yerge jem bolidighan jumhur reis erdoghanning, kech tereplerde türkiyege qaytishi kütülmekte.
