ибраһим калин шиветсийә вә финландийә һәйити билән көрүшти

җумһур рәислик байанатчиси калин шиветсийә билән финландийәниң натоға әза болуши тоғрисида:«түркийәниң бихәтәрлик әндишәлири конкрет қәдәмләр билән муәййән вақит ичидә җавабқа еришәлмисә, мусапиниң илгирилимәйдиғанлиқини оттуриға қойдуқ» деди.

1832670
ибраһим калин шиветсийә вә финландийә һәйити билән көрүшти

түркийә авази радийоси хәвири: җумһур рәислик мәһкимисиниң байанатчиси ибраһим калин шиветсийә вә финландийә һәйити билән көрүшкәндин кейин, ахбарат елан қилиш йиғини өткүзди.

у террорлуқниң охшимиған йүзләр, шәкилләр вә өзгиришләрни баштин кәчүрүп, оттуриға чиққан чеһриләргә қарши қәтийлик билән күрәш қилишниңму нато уқуминиң әң муһим пиринсиплиридин бирини тәшкил қилидиғанлиқини тәкитләп, мундақ деди:

«түркийәниң бихәтәрлик әндишәлири, болупму түркийәгә қарши террорлуқ қиилватқан п к к, п й д|й п г, д и к п-җ вә фәтһуллаһчи террорлуқ тәшкилатлириниң йавропа дөләтлиридә, натоға әза бәзи дөләтләрдә вә һазир күнтәртипимиздә туруватқан финландийә билән шиветсийәдики мәвҗутлуқиға мунасивәтлик. биз п к к|п й д вә й п г оттурисида һечқандақ пәрқниң йоқлуқини, улар арисида қилған айримичилиқларниң, биз үчүн ейтқанда, мәнисиз вә әһмийәтсиз болмайдиғанлиқини наһайити ениқ оттуриға қойдуқ.»

у икки дөләттин йеқинқи 10 йилда қайтуруп беришни тәләп қилған террористлар мәсилисиниңму күнтәртипкә кәлгәнликини билдүрди.

у: «бүгүнгичә шиветсийәдин 28, финландийәдин 12 террористни қайтуруп беришни тәләп қилдуқ. наһайити әпсуски бүгүнгичә бу тәләплиримизниң һечқайсисиға иҗабий җаваб берилмиди. буларниң сәвәблирини тәкшүргинимиздә, мунасивәтлик материйал вә доклатларни алдиға қойғинимиздиму бизни қайил қилалиғудәк әдлийә вә қануний сәвәбләрниң оттуриға қойулмиғанлиқини көрдуқ. бу әндишәлиримизни сөһбәтдашлиримиз билән тәпсилий ортақлаштуқ. охшаш шәкилдә, түркийәгә қарши очуқ-ашкара йаки мәхпий иҗра қилиниватқан кәң йаки тар даирилик һәр түрлүк мудапиә санаитигә мунасивәтлик ембарголарниң дәрһал әмәлдин қалдурулушиниму оттуриға қойдуқ. түркийәниң бихәтәрлик әндишәлири конкрет қәдәмләр билән муәййән вақит ичидә җавабқа еришәлмисә, мусапиниң илгирилимәйдиғанлиқини наһайити очуқ оттуриға қойдуқ» деди.    



مۇناسىۋەتلىك خەۋەرلەر