erdoghan engliye bash weziri bilen téléfonlashti
jumhur reis rejep tayyip erdoghan engiliye bash weziri boris jonson bilen téléfonda körüshti.
türkiye awazi radiyosi xewiri: jumhur reislik mehkimisi uchur – alaqe ishliri idarisining bildürüshiche, ikki rehberning téléfon söhbitide, türkiye – engliye munasiwetliridin sirt yene, shiwétsiye bilen finlandiyening shimaliy atlantik ehdi teshkilatigha ezaliq telipi we rusiye – ukraina urushini öz ichige alghan rayonluq özgirishler heqqide muzakire élip bérilghan.
jumhur reis rejep tayyip erdoghan, shiwétsiye bilen finlandiyening bölgünchi térrorluq teshkilati p k k/y p g qarmidiki shexsler we atalmish jemiyetler bilen bolghan munasiwetlirining asasliq mesile tughduruwatqanliqini eskertish bilen bir waqitta, finlandiye bilen shiwétsiyening shimaliy atlantik ehdi teshkilatining qimmetlirige sahib chiqishi we türkiyening qanunluq endishilirini toluq közitishidin xatirjem bolushni ümid qilidighanliqlirini tekitligen, hemde térrorizmni qollawatqan döletlerning shimaliy atlantik ehdi teshkilatigha ezaliq telipige qarshi türkiye jamaetchilikining heqqaniy teleplirining nezerdin saqit qiliwétilmesliki kéreklikini qeyt qilghan.
