erdoghan gollandiye bash ministiri bilen téléfonlashti
jumhur reis rejep tayyip erdoghan gollandiye bash ministiri mark rutté bilen téléfonda körüshti.
türkiye awazi radiyosi xewiri: jumhur reislik mehkimisi menbelirining bildürüshiche, ikki rehberning téléfon söhbitide, shiwétsiye bilen finlandiyening shimaliy atlantik ehdi teshkilatigha ezaliq telipini öz ichige alghan rayonluq özgirishler heqqide muzakire élip bérilghan.
jumhur reis erdoghan, shiwétsiye bilen finlandiyening shimaliy atlantik ehdi teshkilatigha ezaliq üchün iltimas sunush mesiliside türkiyening qanunluq endishiliri we heqliq teleplirining barliqini eskertken.
bu döletlerning bölgünchi térrorluq teshkilati p k k/y p g qarmiqidiki shexsler we atalmish jemiyetler bilen bolghan alaqiliri we yawropa ittipaqiningmu «térrorluq teshkilatliri tizimliki» din orun alghan unsurlar we jemiyetlerni qollawatqanliqini tekitligen erdoghan, buning ittipaq hemkarliqi we ikki terep munasiwetlirining rohigha xilap ikenlikini qeyt qilghan.
u yene, finlandiye bilen shiwétsiyemu shimaliy atlantik ehdi teshkilatigha eza bolghan teqdirde, bu ikki dölettin, hemkarliq rohigha uyghun halda mezkur térrorluq teshkilatliri bilen bolghan munasiwetlirini üzüshini kütüshning türkiyening eng tebiiy heqqi ikenlikinimu sözlirige ilawe qilghan.
