altun: erdoghanning bashlamchi diplomatiyesi sayisida türkiye künséri qudret tépiwatidu

türkiye awazi radiyosi xewiri: altun, ammiwi ortaqlishish tor bétidiki sehipiside élan qilghan bayanatida, paytext enqerede, jumhur reis rejep tayyip erdoghan bilen aljiriye pirézidénti abdulmejid tebbunning huzurida,  türkiye – aljiriye otturisidiki munasiwetlerni yenimu yüksek sewiyege yetküzüshte muhim rol oynaydighan kanchiliq, muhit asrash, maarip, medeniyet we mudapie sanaiti qatarliq sahelerde nurghun kélishimlerning imzalanghanliqini, bu kélishimlerdin birining axbarat wasitiliri we uchur - alaqe bilen munasiwetlik ikenlikini eskertti, hemde bu kélishimlerning her ikki dölet üchün xeyrlik bolushigha tilekdashliq bildürüp mundaq dédi: «pütün dunya kriziske duch kéliwatqan bir peytte, dölitimiz bashqa döletler bilen imzalighan bu kélishimler jumhur reismiz rejep tayyip erdoghanning muweppeqiyetlik rehberliki sayisida ishqa ashmaqta. derweqe, jumhur reismiz rejep tayyip erdoghan dawamlashturuwatqan  bashlamchi diplomatiye siyasiti, insanperwerlikni chiqish nuqta qilidighan pirinsipliq diplomatiye siyasiti bolup, buning sayisida herqaysi döletler bilen bolghan ikki terep munasiwetliri turghuzghan ishench netijiside imzalanghan bu kélishimler arqiliq hem dölitimiz hemde herqaysi organlirimiz künséri qudret tépiwatidu, bu bolsa eziz xelqimizge qoshulghan qimmet süpitide eks étiwatidu.»