erdoghan: «türkiyege émbargo yürgüzgenlerning natogha kirishige biz <maqul> démeymiz»
jumhur reis rejep tayyip erdoghan türkiyege ziyaretke kélidighanliqi élan qilinghan finlandiye we shiwitsiye heyetliri heqqide toxtilip, «bizni qayil qilishqa kélemdiken, eyipke buyrimisun, özlirini békar aware qilmisun» dédi.
türkiye awazi radiyosi xewiri: jumhur reis erdoghan paytext enqerede resmiy ziyarette boluwatqan aljiriyelik mensepdishi abdulmejid tébbun bilen ötküzülgen birleshme muxbirlarni kütüwélish yighinida, shimaliy atlantik ehdi teshkilatigha eza bolush musapisiigha alaqidar uchrishishlarda bolush üchün türkiyege ziyaretke kélidighanliqi élan qilinghan finlandiye we shiwitsiye heyetliri heqqide toxtilip «bizni qayil qilishqa kélemdiken, eyipke buyrimisun, özlirini békar aware qilmisun» dédi.
erdoghan shiwitsiye we finlandiye heqqide, «her ikki döletning térorluq teshkilatlirigha qarita éniq we keskin pozitsiyesi bolup baqqini yoq. ular düshenbe küni türkiyege kélidiken, bizni qayil qilishqa kélemdiken, eyipke buyrimisun, özlirini békar aware qilmisun» dégen sözlerni ishletti.
erdoghan: «hemmidin muhimi türkiyege émbargo yürgüzgenlerning bir bixeterlik teshkilati bolghan natogha kirishi üchün biz <maqul> démeymiz» dédi.
shiwitsiye we finlandiye tashqi ishlar ministirliri en lindé we pékka hawisto öz döletlirining shimaliy atlantik ehdi teshkilatigha eza bolush iltimasini muzakire qilish üchün türkiyege kélidighanliqini élan qilghan idi.
