shentop bakuda

türkiye büyük millet mejlisi bashliqi mustafa shentop ezerbeyjanning paytexti bakuda shéhitgahliqni ziyaret qildi.

1828304
shentop bakuda

türkiye awazi radiyosi xewiri: shentop, iqtisadiy hemkarliq teshkilati parlamént ezaliri mejlisining 3 – nöwetlik omumiy yighinigha qatnishish üchün yétip barghan ezerbeyjanning paytexti bakuda, ezerbeyjan parlaméntining bashliqi sahibe gafarowa we yighin ishtirakchiliri bashqa dairiler bilen birlikte, ezerbeyjanning sabiq pirézidénti merhum heeyder eliyéwning qebristanliqigha gülchembirek qoydi.

20 – yanwar shéhitliri depne qilinghan shéhitlar xiyabaninimu ziyaret qilghan shentop we uning hemrahliri, bu yerdiki edebi atesh  abidesigimu gülchembirek qoydi.

shentop, kéyinche baku türk shéhitgahliqigha ötüp, abidege gülchembirek qoydi.

simwolluq shéhitlar mazarlirighimu gül qoyup qoyghan shentop, shéhitgahliqning abide deptirige mundaq dep yazdi: «eziz shéhitlirimiz! türk millitining batur oghulliri! siler buningdin 104 yil ilgiri bu zéminlarni xuddi wetininglargha oxshash qoghdash üchün ezerbeyjanliq qérindashliringlar bilen birlikte mürini mürige tirep  küresh qilip, shéhitliq mertiwésige yettinglar. siler qanliringlar bilen sughurghan bu zéminlarda ösüp yétilgen köchetler, bügünki künde oxshash irade we meniwiy rohning türtkiside öz waqtida silerning qolunglarda lepildigen bayraqni téximu yüksek upuqlarda lepilditish üchün pütün küchi bilen tirishmaqta.»



مۇناسىۋەتلىك خەۋەرلەر