t r t bash mudiri «t r t dunya munbiri»de söz qildi

türkiye awazi radiyosi xewiri: t r t dunya munbirining xelqara jemiyet duch kelgen muhim mesililerni muzakire qilish meqsitide istanbulda uyushturulghan «NEXT » namliq paaliyitide söz qilghan t r t bash mudiri zahid sobaji, yer shari xaraktérlik mesililerge chare tépish üchün meslihet supisi qurush arqiliq qararlarning chiqirilghanliqini, emma bu musapige yashlarning qatnashturulmighanliqini otturigha qoydi.

ékologiyelik apetler, xelqara térrorluq, iqtisadiy kirizis we tor bixeterliki qatarliq mesililerning dunyaning her qaysi jaylirini qaplighanliqini bayan qilghan sobaji, ijadchanliqning yashlarning tebiiti ikenlikini, ularning tesewwur qilish, yéngiliq yaritish we heriketchanliq rohigha ige ikenlikini eskertti.

eger bu heriketchanliq yuqirida tilgha élinghan mesililerni hel qilish musapisige qatnashturulmisa, téximu köp qiyinchiliqlarning bash kötüridighanliqini tekitligen sobaji: «biz t r t dunya munbirini 2017 - yildin bashlap teshkillep kéliwatimiz, emma uninggha <NEXT> ni élawe qilish arqiliq yashlarnimu qatnashturmaqchi bolduq» dédi.

t r t dunya munbirining yashlar üchün uyushturulghan paaliyitide, öz sahesining dunyagha dangliq mutexessislirining téxnikidin métawérs uqumighiche, NFT din alem boshluqi sayahetchilikigiche bolghan nurghun mezmunlar toghrisida yash qatnashquchilar bilen birlikte muzakire élip bardi.

u, <NEXT> namliq paaliyetning yashlar bilen kelgüsini özara uchrashturidighan bir sehne ikenlikini otturigha qoyup: «téxnologiyeni aldinqi ewladlargha qarighanda téximu ijadiy we mesile hel qilidighan shekilde ishlitidighan yashlarni bu bayraqning astigha toplashni arzuliduq» dégenlerni qeyt qildi.