ministir chawushoghlu shiwétsiye we finlandiye tashqi ishlar ministirliri bilen körüshti

dölitimiz (türkiye jumhuriyiti) tashqi ishlar ministiri mewlüt chawushoghlu, shiwétsiye tashqi ishlar ministiri en lindé we finlandiye tashqi ishlar ministiri pékka xawisto bilen körüshti.

1827034
ministir chawushoghlu shiwétsiye we finlandiye tashqi ishlar ministirliri bilen körüshti
cavusoglu nato berlin.jpg
cavusoglu-linde-haavisto.jpg

türkiye awazi radiyosi xewiri: dölitimiz (türkiye jumhuriyiti) tashqi ishlar ministiri mewlüt chawushoghlu, shiwétsiye tashqi ishlar ministiri en lindé we finlandiye tashqi ishlar ministiri pékka xawisto bilen mezkur ikki döletning shimaliy atlantik ehdi teshkilati — natogha eza bolush iltimasi toghrisida üch terep söhbet yighini ötküzdi.

ministir mewlüt chawushoghlu twittérdiki adrésida bayanat élan qilip: «men natogha eza döletler tashqi ishlar ministirlirining bérlinda chaqirilghan gheriy resmiy yighini jeryanida shiwétsiyelik we finlandiyelik mensepdashlirimiz bilen körüshtüm» dédi.

ministir chawushoghlu nato yighinigha kirishtin burun bayanat bérip, shiwétsiye bilen finlandiyening bölgünchi térrorluq teshkilati p k k / y p g ni ochuq – ashkara qollaydighanliqini tekitlidi we sözini dawamlashturup: «barliq agahlandurushimizgha qarimay, közimizning aldida yüz bériwatqan bu ehwal öz nöwitide xelqimizning héssiyatigha passip tesir körsetmekte. shunglashqa, ittipaqdash döletke aylinidighan dölet bizge her küni hujum qiliwatqan, eskerlirimiz we saqchilirimizni shéhit qiliwatqan térrorluq teshkilati p k k / y p g ni qollimasliqi kérek» dégenlerni qeyt qildi.



مۇناسىۋەتلىك خەۋەرلەر