әрдоған бәрдимуһәмәдов билән телефонлашти
җумһур рәис рәҗәп таййип әрдоған түркмәнистан президенти гурбангули бәрдимуһәмәдов билән телефонда көрүшти.
түркийә авази радийоси хәвири: җумһур рәислик мәһкимиси учур – алақә ишлири идарисиниң билдүрүшичә, икки рәһбәрниң телефон сөһбитидә, икки дөләт мунасивәтлирини тәрәққий қилдуруш йолида ташлинидиған қәдәмләр вә районлуқ өзгиришләр һәққидә музакирә елип берилған.
телефон сөһбитидә, җумһур рәис әрдоған, түркмәнистан пирезидент сайламлириниң нәтиҗисиниң хәйрлик болушиға тиләкдашлиқ билдүргән, һәмдә түркмәнистанниң йеңи пирезиденти болуп сайланғанлиқи мунасивити билән сәрдар бәрдимуһәмәдовни тәбрикләйдиғанлиқини ипадилигән.
түркмәнистан президенти гурбангули бәрдимуһәмәдов рәһбәрликидә үлгилик тәрәққийат нишанлириға йәткән бу дөләтниң, қолға кәлтүргән бу мувәппәқийәтлирини йәниму йүксәк сәвийәгә йәткүзидиғанлиқиға ишинидиғанлиқини әскәрткән җумһур рәис әрдоған, ортақ тарих вә мәдәнийәттин узуқлинидиған бу икки дөләт мунасивәтлириниң йеңи басқучтиму давамлиқ күчидиғанлиқини қәйт қилған.
