һаккарида террорчиларға қарши «әрән қиш һәрикити» башланди
һаккарида 571 һәрбий бихәтәрлик хадиминиң қатнишиши билән «әрән қиш -30 шәһит жандарма сержанти мәһмәт санҗар һәрикити» башланди.
түркийә авази радийоси хәвири: ички ишлар министирлиқиниң байанатида, «әрән қиш -30 (һаккари-кавакли) шәһит жандарма сержанти мәхмәт санҗар» һәрикитиниң бөлгүнчи террорлуқ тәшкилати п к к ни дөләтниң күн тәртипидин чиқирип ташлаш вә террорчиларни райондики панаһлиниш маканлирида толуқ учуқтуруш мәқситидә елип берилғанлиқи билдүрүлди.
һәрикәттә, һаккари өлкилик жандарма қоманданлиқ мәркизиниң йетәкчилики вә башқурушида 571 жандарма командолири, жандарма алаһидә һәрикити (JÖH) вә бихәтәрлик хадимлиридин тәркиб тапқан 41 мәшғулат гурупписиниң вәзипә өтәватқанлиқи уқтурулди.
байанатта, дөләт ичидә террорлуқни үзүл-кесил йоқитиш үчүн елип бериливатқан «әрән қиш» һәрикити хәлқимизниң қоллиши вә әқидиси билән қәтий һалда мувәппәқийәтлик давамлашмақта» дейилди.
