түркийә һәрбий парахотларниң боғузлардин өтүшини чәклиди
түркийә ташқи ишлар министири мәвлүт чавушоғлу: «қарадеңизда қирғиқи болған йаки болмиған барлиқ дөләтләрни боғузлардин һәрбий парахот өткүзмәслики тоғрисида агаһландурдуқ» деди.
түркийә авази радийоси хәвири: түркийә ташқи ишлар министири мәвлүт чавушоғлу ахбарат елан қилиш йиғинида, 1936-йили имзаланған монтрө боғузлар келишиминиң иҗра қилиниватқанлиқини тәкрарлиди.
у: «түркийә урушқа қатнашмиған болса, урушқа киргән дөләтләрниң һәрбий парахотлирини боғуздин өткүзмәслик һоқуқи бар. һәрбий парахот базисиға қайтса боғуздин өтүши тосқунлуққа учримайду. монтрө келишиминиң маддилирини иҗра қилимиз» деди.
у, бу рамкида қарадеңизда қирғиқи болған дөләтләрни истанбул вә чанаққәлә боғузлиридин һәрбий парахотлирини өткүзмәслик тоғрисида агаһландурғанлиқлирини тәкитләп: «русийә билән украинадин һазирғичә боғуздин өтүш тәлипи кәлмиди» деди.
у илгири байанатида, русийәниң украинаға қарши башлиған һәрбий һәрикитиниң урушқа өзгәргәнликини ейтқан иди.
у америка ташқи ишлар министири антони блинкен билән телефонда көрүшүп, украина вәзийитини музакирә қилған иди.
