erdoghanning «téximu adil bir dunya mumkin» namliq kitabi erebler arisia zor qiziqish qozghidi

türkiye awazi radiyosi xewiri: hamid bin xelife unwérsititi neshriyati mesullirining bildürishiche, nura yamach teripidin terjime qilinghan «téximu adil bir dunya mumkin» namliq kitab 31-nöwetlik doha xelqara kitab yermenkiside neshriyatning eng köp telep qilinghan kitablirining birige aylanghan.

neshriyatning mudiri beshshar shebaru, «bu kitab tunji qétim xelqaraliq kitab yermenkiside orun aldi. biz kitabni 23-féwraldin 5-martqiche ötküzülidighan masqat xelqara kitab yermenkisidimu oqurmenler we qiziqidighanlarning diqqitige sunushni dawamlashturimiz» dédi.

beshshar shebaru, jumhur reis erdoghanning kitabigha bolghan telepning nahayiti yuqiri ikenlikini tekitlep, «yermenkining axiriqi künige kelgenlikimizge qarimastin, ziyaretchiler hazirmu köplep sétiwélish üchün seldek aqmaqta» dédi.

bu yil«ilim nurdur» témisida 13- yanwardin 22 – yanwarghiche ötküzülidighan doha xelqara kitab yermenkisige 37 dölettin 430 neshriyat qatnashti.

paris qoltuqi rayonidiki eng qedimiy we eng chong kitab yermenkilirining biri bolghan doha xelqara kitab yermenkisi, 1972-yili tunji qétim ötküzülgen we uzundin buyan her ikki yilda bir qétim ötküzülüp kéliwatqan bolup, 2002-yildin kéyin her yili bir qétim  ötküzülidighan bolghan idi.