türkiye afghanistangha insanperwerlik yardem seperwerlik herikitini ishqa kirishtüridu
türkiye afghanistangha yene bir qétim yardem qolini sunidu.
türkiye awazi radiyosi xewiri: jiddiy ehwallargha taqabil turush qomandanliq merkizining riyasetchilikide insanperwerlik yardem seperwerlik herikitining ishqa kirishtürülüshige munasiwetlik qararname, resmiy gézitte élan qilindi.
afghanistanda acharchiliq we soghuq hawarayi sewebidin insanperwerlik yardemge mohtaj puqralarni qollash we ularning insanperwerlik éhtiyajini qandurush meqsitide insanperwerlik yardem seperwerlik herikiti ishqa kirishtürülidu.
bu dairide, waliy mehkimiliri, sheherlik hökümetler we bashqa dölet orunliri we teshkilatlar teripidin toplanghan insanperwerlik yardem buyumlirini yötkesh, shexsler hem dölet orunlirining wekilliri teripidin biwasite iane qilinishi üchün, jiddiy ehwallargha taqabil turush qomandanliq merkizi teripidin dölet bankiliri yaki xususiy bankilarda hésabatlar échilidu.
20 – awghusttin bashlap döletlik yaki xususiy bankilarda échilghan hésabatlargha yatquzulidighan iane pullarmu, insanperwerlik yardem seperwerlik herikiti dairiside bir terep qilinidu.
qararnamining hökümliri jiddiy ehwallargha taqabil turush qomandanliq merkizining bashliqi teripidin ijra qilinidu.
