تۈركىيەدىن ئەرمېنىيەگە ۋە ئىراقنىڭ ئەربىل شەھىرىگە ئايروپىلان سەپەرلىرى باشلىنىدۇ
قاتناش مىنىستىرلىقى ئەرمېنىيە ۋە ئىراقنىڭ ئەربىل شەھىرىگە ئايروپىلان سەپەرلىرىنىڭ باشلىنىدىغانلىقى توغرىسىدا بايانات ئېلان قىلدى.
تۈركىيە ئاۋازى رادىيوسى خەۋىرى: قاتناش مىنىستىرلىقى ئەرمېنىيە ۋە ئىراقنىڭ ئەربىل شەھىرىگە ئايروپىلان سەپەرلىرىنىڭ باشلىنىدىغانلىقى توغرىسىدا بايانات ئېلان قىلدى.
قاتناش مىنستىرلىقىنىڭ يازما باياناتىدا، تۈركىيە-ئەرمېنىيە ئوتتۇرىسىدىكى سۆھبەتلەرنىڭ داۋاملىشىۋاتقانلىقى ۋە بۇنىڭ نەتىجىسىدە ئۆزئارا ئايروپىلان سەپەرلىرىنى باشلاشنىڭ قارار قىلىنغانلىقى بىلدۈرۈلدى.
باياناتتا، خەلق ئاۋىياتسىيە باش ئىدارىسىنىڭ پېگاسوس ھاۋا يوللىرىغا ئىستانبۇل سابىھا گۆكچەن-يېرىۋان لىنيەسىدە ھەپتىدە ئۈچ قېتىملىق ئايروپىلان سەپىرىگە رۇخسەت قىلغانلىقى قەيت قىلىندى.
باياناتتا مۇنداق دېيىلدى:
«ئەرمېنىيە ھاۋا يوللىرى شىركىتىگىمۇ يېرىۋان-ئىستانبۇل لىنيەسىدە ھەپتىدە ئۈچ ئايروپىلان سەپىرىگە رۇخسەت قىلىندى. ئۆزئارا ئايروپىلان سەپەرلىرى 2-فېۋرال باشلىنىدۇ. ئەرمېنىيە ئايروپىلانى ئەنقەرە ۋاقتى 19:50 دە ئىستانبۇل ئايرودۇرۇمىغا قونىدۇ. پېگاسوس ئايروپىلانى شۇ كۈنى ئەنقەرە ۋاقتى 23:35 تە سابىھا گۆكچەن ئايرودۇرۇمىدىن كۆككە كۆتۈرۈلىدۇ.»
ئىراقنىڭ ئەربىل شەھىرىگىمۇ ئايروپىلان سەپەرلىرىنىڭ باشلىنىدىغانلىقى بىلدۈرۈلگەن باياناتتا يەنە: «ئانادولۇژېت شىركىتىنىڭ گازىئانتەپ-ئەربىل ئايروپىلان سەپەرلىرى 24-يانۋاردا باشلىنىدۇ. ئۆزئارا ئايروپىلان سەپەرلىرى دۈشەنبە ۋە پەيشەنبە كۈنلىرى ھەپتىدە ئىككى كۈن قىلىنىدۇ.»
مۇناسىۋەتلىك خەۋەرلەر
تۈركىيە-گىرېتسىيە ئىشەنچ تۇرغۇزۇش يىغىنى ئاتىنادا ئېچىلدى
تۈركىيە-گىرېتسىيە ئىشەنچ تۇرغۇزۇش تەدبىرلىرى يىغىنى ئاتىنا (ئافىنا)دا ئۆتكۈزۈلدى.