türkiye iraqta yüz bergen hujumlarni eyiblidi

türkiye iraqning paytexti baghdadda yüz bergen hujumlarni eyiblidi.

1762974
türkiye iraqta yüz bergen hujumlarni eyiblidi

türkiye awazi radiyosi xewiri: türkiye tashqi ishlar ministirliqi teripidin élan qilinghan bayanatta, enqerening, tünügün we ülüshkün bezi siyasiy partiyelerning baghdadtiki ish béjirish orunliri we chet el wakaletxaniliri jaylashqan yéshil rayon nishan qilinghan hujumlardin tolimu epsuslanghan halda  xewer tapqanliqi we bu hujumlarni qattiq eyibleydighanliqi, hujumlarda yarilanghanlargha shipaliq tileydighanliqi bildürülüp mundaq déyildi: «qoshina dölet iraqta ortaq tonush asasida hökümet teshkillesh tirishchanliqliridin öz waqtida netije hasil qilinishi, döletning uzun muddetlik tinchliqi we muqimliqigha kapaletlik qilish jehettin intayin muhim. bu halqiliq basquchta barliq tereplerni soghuqqanliq bilen heriket qilishqa chaqirimiz. iraqning uzaq mezgillik bixeterliki we muqimliqigha kapaletlik qilish tirishchanliqlirini dawamliq qollaymiz.»

iraqning paytexti baghdadtiki hujumlarda 2 kishining yarilanghanliqi bildürülgenidi.


خەتكۈچ: #hujum , #baghdad , #iraq , #türkiye

مۇناسىۋەتلىك خەۋەرلەر