44 térrorchi bir terep qilindi
dölet mudapie ministiri xulusi aqar shanliurfa wilayitining aqchaqele nahiyesidiki chégra liniyeside yüz bergen térrorluq hujumidin kéyin bashlanghan «jazalandurush herbiy heriketliri» dawamida 44 térrorchining bir terep qilinghanliqini bildürdi.
türkiye awazi radiyosi xewiri: aqar: aqar, paytext enqerede, shanliurfa wilayitining aqchaqele nahiyesidiki chégra liniyeside yüz bergen térrorluq hujumidin kéyin bashlanghan «jazalandurush herbiy heriketliri» heqqide élan qilghan bayanatida, térrorchilarning xainlarche bomba hujumida 3 qehriman türkiye eskirining shéhit bolghanliqini tekitlep mundaq dédi: «térrorchilarning xainlarche hujumidin kéyin éniqlap chiqilghan nishanlargha qarita <jazalandurush herbiy heriketliri> ni qozghiduq, buning netijiside qehriman eskerlirimiz teripidin 44 térrorchi bir terep qilindi, shéhitlirimizning qanliri yerde qalmidi, buningdin kéyinmu hergiz qalmaydu. süriyediki alaqidar tereplerning kélishimge riaye qilip, mesuliyetlirini ada qilishini kütüwatimiz, chégra liniyelirimizdin halqip kélip, bizge hujum qilishni pilanlawatqanlargha qarita sewr - taqitimiz qalmidi. her bir hujumgha tégishlik jawab qayturulidu, hemde buning üchün choqum hésab élinidu.»
