erdoghan: türkiye rayonida nijis oyunlarni buzup tashliyalaydighan bir döletke aylandi

jumhur reis rejep tayyip erdoghan türkiyening dölet mudapiesi sanaiti mehsulatlirini sétiwélish arqiliq rayonida oyun oyniyalaydighan we nijis oyunlarni buzup tashliyalaydighan bir döletke aylanghanliqini éytti.

1762841
erdoghan: türkiye rayonida nijis oyunlarni buzup tashliyalaydighan bir döletke aylandi

türkiye awazi radiyosi xewiri: jumhur reis erdoghan, istanbuldiki  kémisazliq zawutida ötküzülgen «TCG Ufuk » namliq sinaq we telim - terbiye paraxotini xizmetke kirishtürüsh murasimigha qatnashti, hemde bu yerde qilghan sözide, mundaq dédi: «dölet mudapiesi sanaitimizning halqiliq layiheliri mesiliside 2022 – yiligha arqa – arqidin muhim muweppeqiyetlerni qolgha keltürüsh arqiliq qedem qoyghanliqimizgha ishinimen. türkiye dölet mudapiesi sanaiti mehsulatlirini sétiwélish arqiliq rayonida oyun oyniyalaydighan we nijis oyunlarni buzup tashliyalaydighan bir döletke aylandi. biz qolgha keltürgen bösüsh xaraktérlik muweppeqiyetlirimiz sayisida rayonida söz sahibi bir döletke aylanduq. nöwette nezirimizni alem boshluqigha merkezleshtürduq, jümlidin, alem boshluqi sahesidimu hem süniy hemrah qoyup bérish sistémiliri hemde süniy hemrah sistémilirini tetqiq qilip yasash paaliyetlirimiz dawamlashmaqta.»

türkiyening tégishlik shekilde qoghdilishining mawi wetennimu eng yaxshi shekilde qoghdilishi arqiliq ishqa ashidighanliqini qeyt qilghan jumhur reis erdoghan, mundaq dep körsetti: «déngiz armiyemizni téximu qudret tapquzidighan nurghun layihelerni yolgha qoyduq. élimizning tunji axbarat paraxoti ufuq, milliy inzhénérliq iqtidarliri arqiliq yasaldi. élimiz nöwette urush paraxotini milliy imkaniyetlerdin paydilinip layihilep, yasap chiqalaydighan we qoghdiyalaydighan dunyadiki 10 chong dölettin birige aylandi. élimizning kémisazliq zawutlirida, özimizning éhtiyajliridin bashqa, dunyaning herqaysi jayliri üchünmu paraxotlar we kémiler yasalmaqta. hazirgha qeder biz 25 döletke 180 déngiz üsti supisini éksport qilduq.»

erdoghan, « TF-2000» namliq hawa mudapiesi qoghlighuchi paraxotining pat arida xéridar chaqirish arqiliq bazargha sélinidighanliqini eskertip mundaq dédi: «nishanimiz, türkiyeni dölet mudapiesi sanaitide öz – özige xoja bir döletke aylandurushtur. dunyadiki intayin az sandiki axbarat organliriningla qol ilkide bar bolghan bu paraxotning yardimide, déngizlardimu qudritimizning zoriyidighanliqigha ishinimen. teshkilatimizning kéyinki basquchluq nishani,  süniy hemrah sistémiliri arqiliq alem boshluqidin tégishlik orun élip, bulardin eng ünümlük shekilde paydilinish bolidu. hazirghiche dawamliship kelginidek, aldimizdiki mezgildimu, teshkilatimizni her sahede qollap – quwwetlep, élimizni téximu güllendürüsh we qudret tapquzush kürishimizge téximu köp töhpe qoshushigha kapaletlik qilimiz.»



مۇناسىۋەتلىك خەۋەرلەر