түркийә суданға ваксина ианә қилиду

түркийәниң хартумда турушлуқ баш әлчиси ирфан нәзироғлу түркийәниң суданға бир милйон қута вухән вируси (ковид – 19) ваксиниси ианә қилидиғанлиқини билдүрди.

1762456
түркийә суданға ваксина ианә қилиду

түркийә авази радийоси хәвири: баш әлчи нәзироғлу судан игилик һоқуқ кеңиши әзаси майор генерал ибраһи җабир билән җумһур рәислик мәһкимиси ишханисида көрүшти؛ нәзироғлу, икки тәрәп охшаш көңүл бөлидиған сийасий вә иқтисадий мунасивәтләр музакирә қилинған учришишта, җабирға 12 - айда истанбулда өткүзүлгән 3- нөвәтлик түркийә- африқа һәмкарлиқ йиғини һәққидә мәлумат бәрди.

нәзироғлу, мәзкур йиғинда җумһур рәис рәҗәп таййип әрдоғанниң түркийәниң африқа қитәсини 15 милйон қута йуқум ваксиниси билән тәминләйдиғанлиқини, бу даиридә суданғиму 1 милйон қута ваксина әвәтишни пиланлаватқанлиқлирини ейтқанлиқини билдүрди.

җабир болса, түркийәниң һәр дарим суданниң йенида туруп кәлгәнликини, суданниң буниңға наһайити йуқири баһа беридиғанлиқини, һәмдә түркийәниң болупму санаәт вә техника саһәсидики тәҗрибисидин пайдилинишни халайдиғанлиқини байан қилғандин кейин, ваксина үчүн миннәтдарлиқини билдүрди.



مۇناسىۋەتلىك خەۋەرلەر