خۇلۇسى ئاقار ئەزەربەيجان دۆلەت مۇداپىئە مىنىستىرى زاكىر ھەسەنوۋغا تەزىيە تېلەكلىرىنى يەتكۈزدى

تۈركىيە ئاۋازى رادىيوسى خەۋىرى: تۈركىيە دۆلەت مۇداپىئە مىنىستىرلىقىنىڭ باياناتىغا ئاساسلانغاندا، مىنىستىر ئاقار ئەزەربەيجان دۆلەت مۇداپىئە مىنىستىرى ھەسەنوۋ بىلەن تېلېفوندا سۆزلەشكەن.

تۈنۈگۈن كەلبەجەر رايونىدا ئەرمېنىيە ئارمىيەسىنىڭ ئوق چىقىرىشى سەۋەبىدىن ئەزەربەيجان ئەسكىرىنىڭ شېھىت بولغانلىقىدىن قاتتىق ئازبلانغانلىقىنى بىلدۈرگەن مىنىستىر ئاقار، تەزىيە تېلەكلىرىنى يەتكۈزگەن.

خۇلۇسى ئاقار ئەزەربەيجان ئالدىنقى سەپ ئىستىھكاملىرىنى ھۇجۇم نىشانى قىلىپ، ئۇرۇش توختىتىش كېلىشىمىگە خىلاپلىق قىلغان ئەرمېنىيەنىڭ تاجاۋۇزچىلىق پوزىتسىيەسىگە نارازىلىق بىلدۈرگەن ۋە تۈركىيەنىڭ ھەر دائىم قېرىنداش ئەزەربەيجاننىڭ يېنىدا تۇرىدىغانلىقىنى،  بۇنۇڭدىن كېينكى ھەققانىي داۋالىرىدىمۇ ھەمىشە ئەزەربەيجانغا ھەمدەم بولىدىغانلىقىنى تەكىتلىگەن.

تۈنۈگۈن چۈش ۋاقتىدا، ئەرمېنىيە قىسىملىرىنىڭ ئوق چىقىرىشى نەتىجىسىدە بىر ئەزەربەيجان ئەسكىرى شەھىد بولغان ئىدى.