министир ақар косовода дөләт ишлири зийаритидә болмақта
министир хулуси ақар косовониң призрен шәһиригә берип, косово түрк вәкилләр башқармисидики хизмәтләрни көздин кәчүрди.
түркийә авази радийоси хәвири: дөлитимиз (түркийә җумһурийити) мудапиә министири хулуси ақар: « балқан районидики, болупму дост вә қериндаш дөләт боснийә- гертсеговина вә косоводики өзгиришләрни йеқиндин көзитиватимиз. бу йәрдики қериндашлиримизниң раһәт көрүши, тинчлиқ вә бихәтәрлики бизни хушал қилиду, әксичә болғанда, көңлимиз йерим болиду» деди.
министир хулуси ақар дөләт ишлири зийаритидә болуватқан косово пайтәхти пристинадики учришишлирини ахирлаштурғандин кейин призренгә берип, косово түрк вәкилләр башқармисидики хизмәтләрни көздин кәчүрди.
султан мурат газармисида мурасим әтритигә салам бәргән ақар, паалийәтләр тоғрисида учур игилиди вә көрсәтмиләрни бәрди.
арқидин газармидики әскәрләр билән көрүшкән ақар, түрк әскәрлириниң мувәппәқийәтлик хизмәтлирини тәбрикләп: «балқан районидики, болупму дост вә қериндаш дөләт боснийә- гертсеговина вә косоводики өзгиришләрни йеқиндин көзитиватимиз. бу йәрдики қериндашлиримизниң раһәт көрүши, тинчлиқ вә бихәтәрлики бизни хушал қилиду, әксичә болғанда, көңлимиз йерим болиду. бу хил көңүл бөлүшлиримиз билән биргә қолидин келидиған төһпиләрниму қошушимиз керәк. косоволуқ қериндашлиримизниң шималий атлантик окйан әһди тәшкилати – нато вә йавропа, һәмдә атлантик окйан органлири билән бирлишиши мәсилисидиму қолимиздин келишичә һәмдәм болдуқ, буниңдин кейинму шундақ қилимиз» дегәнләрни қәйт қилди.
