erdoghan pirinkayalar tonilini xizmetke kirishtürüsh murasimida söz qildi

türkiye awazi radiyosi xewiri: jumhur reis erdoghan, türkiyeni kawkazgha tutashturidighan erzurumdiki pirinkayalar tonilini xizmetke kirishtürüsh murasimigha jumhur reislik mehkimisidin sin körünüshlük halette ishtirak qildi.

«pirinkayalar tonilimizning rayonimizgha xeyrlik bolushini tileymen» dégen erdoghan, sözini dawamlashturup: «(tonil) baghlinish yoli bilen birlikte omumiy uzunluqi 3.4 kilomitirgha yétidighan bu tür, erzurum – artwin otturisidiki qatnashning téz, bixeter we üzlüksizlikini kapaletlendüridu. dölitimizning 18 milyon liragha yéqin pulni téjep qélish bilen birge karbon qoyup bérilishini azaytish arqiliq muhitni qoghdashqimu töhpe qoshidu. her ikkisi sayahet yoshurun küchige ige bolghan erzurum bilen artwin otturisidiki yol yéngi pursetlerni yaritidu. her ikki sheher arqiliq kawkazgha baridighan qatnashmu yénikleydu» dégenlerni qeyt qildi.

nishanining türkiyeni dunyadiki 10 chong iqtisadiy gewdining birige aylandurup, yer sharini bashqurush sistémisida téximu paal söz qilish ornigha ige qilish ikenlikini tekitligen erdoghan: « türkiye tereqqiy tapqan we tereqqiy qiliwatqan döletler arisidiki eng keng dairilik, eng yéngi we eng zamaniwi tereqqiyat ul eslihelirige ige dölet süpitide gewdilenmekte» dédi.