aqar sarayiwoda uniwérsitét oqughuchiliri bilen uchrashti
dölet mudapie ministiri xulusi aqar bosniye-girtisgowénaning paytexti sarayiwoda uniwérsitét oqughuchiliri bilen bir yerge jem boldi.
türkiye awazi radiyosi xewiri: aqar, bu yerde qilghan sözide, bosniye-girtisgowénada muqimliq, siyasiy birlik we zémin pütünlükining peqet rayon üchünla emes, pütkül dunya üchünmu muhimliqini, jümlidin, buning türkiyege nisbeten nahayiti zor ehmiyetke ige ikenlikini tekitlep mundaq dédi: «1992 – 1995 – yilliri bosniye-girtisgowénaliqlar, sérbiyelikler we kirodiyelikler arisida 100 ming kishining ölüp kétishini keltürüp chiqarghan ichki urushqa xatime bergen dayton tinchliq shertnamisi toluq ijra qilinmaqta, shu wejidin, bosniye-girtisgowénadiki mewjut siyasiy kiriziske derhal xatime bérilishi kérek.»
ministir aqar, terepler telep qilghan teqdirde, jumhur reis rejep tayyip erdoghanmu hemishe tekitlep kéliwatqanqinidek, türkiyening herdaim muressechilik qilishqa teyyar ikenlikini eskertish bilen bir waqitta, balqan rayoni we bosniye-girtisgowénaning istiratégiyelik ehmiyitining muhimliqini, türkiyening, bosniye-girtisgowénagha oxshighan dost döletlerdiki huzur, parawanliq we bixeterlik üchün qolidin kélishiche tirishchanliq körsitiwatqanliqini qeyt qildi.