erdoghan islam medeniyetining ghayisi heqqide muhim söz qildi

türkiye awazi radiyosi xewiri: jumhur reis rejep tayyip erdoghan, «türkiyening xelqara munasiwette we iqtisadta <dunya beshtin chong> shoari bilen élip barghan kürishi ékispalatatsiye we zulum üstige qurulghan dunya tertipning özgirishi üchündur» dédi.

erdoghan özgirishning hayatning heqiqiti ikenlikini, biraq özgirish bilen chirikliishish otturisida keskin bir perq barliqini tilgha élip, «insaniyet yéqinqi ikki esirde qedimiy qimmet qarashliri buzulghan zor bir özgirishni, yene bir jehettin chékinishni bashtin kechürdi. zamaniwilishish bilen birge insanning öz tebiitige, etrapigha we hayatini ortaqlashqan bashqa janliqlargha bolghan köz qarishimu özgerdi» dédi.

erdoghan sözini dawamlashturup yene mundaq dédi:

«türkiyening hem xelqara munasiwetlerdiki, hem iqtisadtiki kürishi, <dunya beshtin chong> shoari bilen ékispalatatsiye we zulum üstige qurulghan dunya tertipni özgertish üchündur. mexluqatlarning eng sherepliki bolghan insanlarni qimmetsizleshtüridighan her türlük pozitsiyelerni ret qilimiz. islam medeniyetining dewr halqighuch telimatliri bilen zamaniwiy insanlar patqan buhranlargha nijatliq ritsipi sunidighanliqigha ishinimiz. bilim-  hékmet, exlaq we adaletning asasi üstige qurulghan islam medeniyiti, dunyani güzelleshtürüshni we barliq janliqlar üchün téximu yashighili bolidighan halgha keltürüshni özige ghaye qilidu»