erdoghan: fizikiliq uzaqliqqa qarimastin, qiyin künlerde hindonéziye xelqining yénida bolduq
jumhur reis rejep tayyip erdoghan fizikiliq uzaqliqqa qarimastin, qiyin künlerde hindonéziye xelqini hergiz yalghuz tashlap qoymighanliqini bildürdi.
türkiye awazi radiyosi xewiri: jumhur reis erdoghan 2004-yili hindonéziyening aché rayonida yüz bergen déngiz tashqinining 17 - yilliqi munasiwiti bilen «yershari aché diasporasi» teripidin uyushturulghan paaliyetke sinliq uchur yollidi.
jumhur reis erdoghan sinliq uchurida yiraqtin bolsimu bu ehmiyetlik paaliyetke qatnashqanliqidin intayin xushal bolghanliqini tilgha aldi.
erdoghan 2004-yildiki chong apette hayatidin ayrilghanlargha allahtin rehmet we bashqilargha sewr - taqet tileydighanliqini bildürüp, «biz hindonéziyelik qérindashlirimiz bilen bolghan hemkarliqimizni dawamlashturimiz, hindonéziye xelqining azabini azabimiz, xushalliqini xushalliqimiz dep qaraymiz» dédi.
erdoghan otturidiki fizikiliq musape uzunluqigha qarimastin, qiyin künlerde hindonéziye xelqini hergiz yalghuz tashlap qoymighanliqini eskertip, «éhtiyajliq bolghan her qandaq chaghda qolimizdiki imkaniyetlirimizni hindonéziye üchün seperwer qilduq» dédi.
apettin kéyin türkiyening hindonéziyege bergen tereqqiyat yardimining 75 milyon dollardin ashqanliqini eskertti.
