erdoghan türk yehudiy jemiyiti we islam döletliri hahamlar ittipaqi ezaliri bilen körüshti
erdoghan:«pelestin mesilisidiki qedemler,peqet pelestinliklergila emes,belki isirailiyening bixeterliki we muqimliqighimu hesse qoshidu. quddusta barliq diniy guruppilirining sezgürlüklirini közitidighan hel qilish charisining tépildighanliqigha ishinimen» dédi.
türkiye awazi radiyosi xewiri: türkiye jumhur reisi rejep tayyip erdoghan tünügün (2021-yili 22-dékabir) türk yehudiy jemiyiti we islam döletliri hahamlar ittipaqi ezalirini jumhur reislik sariyida qobul qildi.
rejep tayyip erdoghan: «bolupmu, gherb döletliride küchiyiwatqan islam düshmenliki, antisémitizm (yehudiy düshmenliki) gha qarshi turush we chet elliklerge öchmenlik qilishqa qarshi küreshte hemkarlishishimiz kérek. buning bilen birlikte yene, ottura sherqte tinchliq we muqimliq muhitini kücheytish üchün birlikte tirishchanliq körsitishimiz kérek. üch samawi dinning muqeddes jaylirigha we samawi dinlargha sahibxanliq qilghan bu qedimki jughrapiyelerde yirikchilik, toqunush we qalaymiqanchiliqlarni körüshni hergiz xalimaymiz. türkiyening eng chong arzusi, oxshimighan din, til we milletlerge ige bolghan jemiyetler tinchliq ichide birlikte yashaydighan ottura sherq. bizning isirailiye hökümitige qaratqan agahlandurushlirimiz, mesililerge ottura sherqning uzun muddetlik tinchliqi we muqimliqi nuqtisidin qarishigha yardemchi bolush üchündur. quddusni asas qilghan pelestin mesiliside bésilidighan qedemler, peqet pelestinliklerningla emes, belki isirailiyening bixeterliki we muqimliqighimu hesse qoshidu. isirailiye pirézidénti hörmetlik hérzog (Herzog) bilen bolsun yaki hörmetlik bash ministir bénnét bilen bolsun, qaytidin janlanghan diyalogimizgha, bu nuqtidin ehmiyet bérimen» dédi.
u isirailiyening tinchliq tirishchanliqliri nuqtisida semimiy we ijabiy pozitsiye namayan qilishining, normallishish musapisigha paydiliq ikenlikini eskertip: «quddusta barliq diniy guruppilarning sezgürlüklirini közitidighan hel qilish charisining tépilidighanliqigha ishinimen. türkiye-isirailiye munasiwetliri rayonimizning muqimliqi we bixeterliki nuqtisidin éytqanda hayatiy ehmiyetke ige. bu mesilide, bolupmu silerning qollishinglarni muhim dep qaraymen. hemkarliqlirimizni tereqqiy qildurushqa, yuqiri yoshurun küchimizdin téximu yaxshi paydilinishqa teyyarmiz. uchirishishlirimizni we diyaloglirimizni dawamlashturushqa ehmiyet bérimen, chünki buning ortaq menpeetlirimizge paydiliq ikenlikige ishinimen» dédi.
