soylu: angélina jolining foto - süretliri bilen köchmenler mesilisi hel bolmaydu
dölitimiz (türkiye jumhuriyiti) ichki ishlar ministiri süleyman soylu, bashqa döletlerning köchmenlerge tutqan pozitsiyesini tenqidlep: «ular angélina julining foto – süretliri arqiliq dunyadiki köchmenler mesilisini hel qilishqa urundi..» dédi.
türkiye awazi radiyosi xewiri: ministir süleyman soylu enqerening gölbashi nahiyeside bayanat bérip, dunyaning kowid-19 yuqumi, köchmenlik, énérgiye we iqtisadiy kirizislargha duch kelgenlikini we bularning yershari xaraktérlik mesililer ikenlikini otturigha qoydi.
saqliniwatqan mesililerge qarita dunyaning yer shariwi chare – tekliplerni otturigha qoyalmighanliqini tekitligen soylu, köchmenler mesilisining 21 – esirning béshidin tartipla afghanistanda peyda bolghan mesilining pütkül dunyagha weyran qilghuch tesirlerni körsitidighanliqi roshen tursimu, bashqa döletlerning mesilini öz ornida turghuzup hel qilish qedemlirini tashlimighanliqini eskertti.
bashqa döletlerning köchmenler mesilisini türkiye-girétsiye, türkiye-süriye, türkiye-iran chégrasigha qapsap qoyushqa, mesilini bir chégra mesilisidek kichik qilip körsitishke urunghanliqini tekitlep: «(bashqa döletlerning köchmenler mesilisini) bizdin yiraq tursun-de, qandaq tursa tursun, dégen chüshenche bilen hel qilishqa tirishti. ular angélina julining foto – süretliri arqiliq dunyadiki köchmenler mesilisini hel qilishqa urundi. biz buni yillardin buyan dep kéliwatimiz, yene bir qétim dep öteyli, köchmenler mesilisi dunyada téxi emdi bashlandi» dégenlerni qeyt qildi.
ministir soylu mesilini hel qilish yolining rayon we xelqaraliq küchlük munasiwetler musapisini bésip ötidighanliqini sözlirige ilawe qildi.
مۇناسىۋەتلىك خەۋەرلەر
iraq we süriyede 75 térrorchi bir terep qilindi
iraq we süriyening shimalida térrorchilargha ejellik zerbe bérilmekte.
