shentop sérbiye ziyaritini bashlidi
türkiye büyük millet mejlisi (parlaménti) bashliqi mustafa shentop shimaliy makédoniye, sérbiye we qarataghni öz ichige alghan resmiy xizmet ziyaritining ikkinchi qismi üchün, hemrahliqidiki parlamént heyiti bilen sérbiye paytexti bélgradqa yétip bardi.
türkiye awazi radiyosi xewiri: türkiye büyük millet mejlisi bashliqi mustafa shentop we uning hemrahliqidiki heyet xizmet ziyariti üchün sérbiye paytexti bélgradqa yétip bardi.
türkiyening bélgradta turushluq bash elchisi hami aksoy we bashqa munasiwetlik mesullar bélgrad nikola tésla ayrodurumi (Belgrad Nikola Tesla) da mustafa shentop we uning hemrahliqidiki heyetni kütüwaldi.
mustafa shentop sérbiye pirézidénti aléksandar wujich we bash ministir ana burnabich bilen körüshidu.
u sérbiye milliy parlaméntini ziyaret qilip, mensepdéshi iwija dajich bilen körüshidu we ortaq axbarat élan qilish yighini ötküzidu.
u tünügün (2021-yili 21-dékabir) shimaliy makédoniyede türkche maarip bayrimi munasiwiti bilen ötküzülgen paaliyetke qatnashqan idi.
u qilghan sözide, shimaliy makédoniyede yashaydighan türklerning resmiy bayrimi bolghan «21-dékabir türkche maarip bayrimi» wesilisi bilen, bu yerde bolghanliqidin xushalliq hés qilghanliqini bildürüp: «shimaliy makédoniyede türk tili mewjutluqining, bu jughrapiyediki qérindashliqning küchiyishi, makédoniyening medeniyet bayliqi we siyasiy küchining yüksélishi nuqtisidin éytqanda, hayatiy ehmiyetke ige ikenlikige ishinimiz» dégen idi.
مۇناسىۋەتلىك خەۋەرلەر
erdoghan iraq ziyaritini tamamlidi
jumhur reis rejep tayyip erdoghan iraqtiki ziyaritini utuqluq axirlashturup, türkiyege qaytip keldi.
