erdoghan türkiyening kirizisqa qarshi zor ishenchisi heqqide toxtaldi
jumhur reis rejep tayyip erdoghan türkiyening yer shari kirizisigha qarshi öz özige bolghan zor ishenchisining arqisida küchlük ul eslihege ige ikenlikining nuqtiliq rol oynighanliqini éytti.
türkiye awazi radiyosi xewiri: jumhur reis erdoghan tünügün (19- dikabir) dolmabaxche sariyida ilim tarqitish fondi jemiyiti teripidin uyushturulghan 2021-yilliq ilim tarqitish mukapatliri murasimida nutuq sözlidi.
jumhur reis erdoghan iqtisad üstide toxtilip, dölette hakimiyet béshigha kelgen yéqinqi 19 yilda, maariptin sehiyegiche, bixeterliktin adliyegiche, qatnashtin énérgiyegiche we sheher pilanidin tenterbiyegiche bolghan her sahede qurulghan küchlük ul esliheler bilen milletni heqliq bolghan turmush sewiyisige yetküzgenlikini bildürdi.
erdoghan: «türkiye yershari krizisigha qarshi bunche chédamchan bolghan bolsa, hemde kirizisni pursetke aylandurushta bunche ishenchke tolghan bolsa, uning arqisida del mana bu küchlük ul esliheler bar idi. emdilikte biz iqtisadta oxshashla küreshni qiliwatimiz»dédi.
erdoghan yene mundaq dédi: «éshish süritimizning nisbetliri bizning ishlepchiqirish, ishqa orunlishish, éksport we xamchot tengpungluqimizgha isharet qilmaqta. barliq körsetküchler dölitimizning dunyawi muweppeqiyitini körsitip bermekte. hökümet yolgha qoyghan iqtisadiy siyaset pütünley belgiligen yönilishte algha ilgirilimekte. türkiye iqtisadi hazirgha qeder dawamlashqinigha oxshash buningdin kéyinmu erkin bazar igilikining qaide - qanunlirigha mas halda yolini dawamlashturidu»
