ئەلمەنغۇش: تۈركىيە ئافرىقا ئەللىرى ئىتتىپاقىنىڭ ئىستراتېگىيەلىك شېرىكى
لىۋىيە تاشقى ئىشلار مىنىستىرى نەجلا ئەلمەنغۇش، تۈركىيەنىڭ ئافرىقا ئەللىرى ئىتتىپاقىنىڭ سىياسىي، ئىقتىسادىي ۋە سودا ساھەسىدىكى ئىستراتېگىيەلىك ھەمراھى ئىكەنلىكىنى ئوتتۇرىغا قويدى.
1749290
تۈركىيە ئاۋازى رادىيوسى خەۋىرى: لىۋىيە تاشقى ئىشلار مىنىستىرلىقى يازما بايانات ئېلان قىلىپ، ئىستانبۇلدا ئۆتكۈزۈلگەن 3 - نۆۋەتلىك تۈركىيە - ئافرىقا ھەمكارلىقى باشلىقلار يىغىنىغا قاتناشقان تاشقى ئىشلار مىنىستىرى مەنغۇشنىڭ يىغىندىكى سۆزىدە: «تۈركىيە بىلەن ئافرىقا ئەللىرى ئىتتىپاقىنىڭ ئۆزئارا سودا مۇناسىۋىتى ئۇزۇن يىللارغا سوزۇلىدۇ، ئافرىقا ئەللىرى ئىتتىپاقىنىڭ 2008 – يىلى تۈركىيەنى ئافرىقا قىتئەسىنىڭ ئىستراتېگىيەلىك ھەمراھى دەپ جاكارلىشى بىلەن، ئىككى تەرەپ ئوتتۇرىسىدىكى مەدەنىي ۋە ئىجتىمائىي مۇناسىۋەتلەر جانلاندى» دېگەنلىكىنى ئۇقتۇردى.
«تۈركىيە ئافرىقا ئەللىرى ئىتتىپاقىنىڭ ئىستراتېگىيەلىك ھەمراھىدۇر» دېگەن مەنغۇش: تۈركىيە - ئافرىقا ھەمكارلىقىنىڭ ئافرىقا ئەللىرى ئىتتىپاقىنىڭ يەر شارى سىستېمىسىدا كۈچ مەركىزىگە ئايلىنىش نىشانىغا ماس ئىكەنلىكىنى، ئۇنىڭ مەبلەغ سېلىشقا پايدىلىق مۇھىت يارىتىشقا ۋە ئىمكانىيەتلىك سىجىل تەرەققىياتقا كاپالەتلىك قىلىشقا ياردەم بېرىدىغانلىقىنى تەكىتلىدى.
لىۋىيەلىك مىنىستىر، دۇنياغا تەسىر كۆرسەتكەن پەۋقۇلئاددە ئەھۋاللارغا ۋە مۈشكۈل ئىقتىسادىي شارائىتقا قارىماي، ئافرىقا ئەللىرى ئىتتىپاقى بىلەن تۈركىيەنىڭ سىياسىي، ئىقتىسادىي ۋە سودا ساھەسىدىكى ھەمكارلىقىنى داۋاملاشتۇرۇۋاتقان بولۇشىنىڭ مۇھىملىقىغا ئىشارەت قىلىپ ئۆتتى.
مۇناسىۋەتلىك خەۋەرلەر
ئىراق ۋە سۈرىيەدە 75 تېررورچى بىر تەرەپ قىلىندى
ئىراق ۋە سۈرىيەنىڭ شىمالىدا تېررورچىلارغا ئەجەللىك زەربە بېرىلمەكتە.
