erdoghan israiliye bilen munasiwetlerni normallashturushning shertlirini otturigha qoydi

jumhur reis rejep tayyip erdoghan qatar ziyaritidin kéyin muxbirlarning küntertipke alaqidar soallirigha jawab berdi.

1744789
erdoghan israiliye bilen munasiwetlerni normallashturushning shertlirini otturigha qoydi

türkiye awazi radiyosi xewiri: jumhur reis rejep tayyip erdoghan qatar ziyaritidin kéyin muxbirlarning soallirigha jawab bérip, tél awiwning pelestin siyasitige sezgür muamile qilishining türkiye - israiliye munasiwetliride normallishishning yolini achidighanliqining signalini berdi.

jumhur reis erdoghandin ebudebi text warisi shahzadisining türkiye ziyariti jeryanida türkiye bilen ereb birleshme xelipiliki otturisida bir qatar muhim kélishimlerning imzalanghanliqigha isharet qilinghandin kéyin: «mushuninggha oxshash bir jeryanni israiliye we misir bilenmu dawamlashturushqa, bashlashqa bolamdu?» dep soal qoyuldi.

ebudebi hökümiti bilen mushundaq bir telep – teklip kelgenlikini we türkiyening uni xushalliq bilen qobul qilghanliqini؛ uchrishishlarni dölet bixeterlik idarisi we tashqi ishlar ministirliqi wasitisi bilen qedemmuqedem ishqa ashurghanliqlirini bildürgen erdoghan: «bundaq bir musape israiliye bilen némishqa bashlanmisun? chünki biz tinchliqning hökümran bolushi üchün tirishiwatimiz we rayonning tinchliqi üchünmu buni toghra, xeyrlik dep qaraymiz. ötmüshte méning israiliye bilen körüshüshlirim boldi. lékin israiliye pelestin siyasitige téximu sezgür muamile qilishi kérek؛ quddusqa, mesjidi eqsagha qarita sezgür muamile qilishi kérek. biz bu yerdiki sezgürlükni körgen haman qolimizdin kelgenni qilimiz we qedemlirimizni tashlaymiz» dédi.

jumhur reis erdoghan bash elchilerning özara qaytidin teyinlinishi mesilisining küntertipte bar – yoqluqi toghrisidiki bir soalgha: «bu ishlarning hemmisi bolidu. israiliye terep bizning némige sezgür qaraydighanliqimizni bilidu. bizmu israiliyening sezgürlükini bilimiz. shunga, biz bu sezgürlükni asas qilghan halda mesilini hel qilimiz» dep jawab berdi.



مۇناسىۋەتلىك خەۋەرلەر