akar qatarda türkiye eskerlirini ziyaret qildi

türkiye awazi radiyosi xewiri: dölet mudapie ministiri hulusi akar türkiye jumhur reisi rejep tayyip erdoghanning qatar ziyaritini emeliyleshtürüsh teyyarliqi üchün yétip barghan dohada bir qatar uchrishishlarda boldi.

u qatar muawin bash ministiri we dölet mudapie ministiri xalid bin muhemmed el atiyye bilen körüshüp, ikki terep we rayon mudapiesi, xewpsizlik bilen mudapie sanaitide özara hemkarliq mesililiride özara pikir almashturdi.

ikki rehberning körüshüshide, herbiy telim-terbiye saheside özara hemkarliqlarni ashurushqa nisbeten qetiy irade tekitlendi.

hulusi akar qatarda wezipe ötewatqan türkiye eskerlirinimu ziyaret qildi.

u bu yerde qilghan sözide, türk ittipaqining muweppeqiyetlik xizmetlirini yéqindin közitiwatqanliqlirini bildürdi.

u mundaq dédi: «muweppeqiyetliringlardin xushalmiz we özimizni shereplik hés qilimiz. paaliyetliringlarning kéyinki mezgillerdimu oxshash estayidilliq, semimiylik we muweppeqiyet bilen dawamlishidighanliqigha ishinimiz.»

u birlikte xizmet qilish üchün hem qatar hemde türkiyede birlikte ötküzülgen manéwirlarning ehmiyiti üstide toxtaldi.

u: «qatar bilen bu yerde qiliwatqan xizmetlirimiz üchinchi döletlerge qarshi emes. döletlirimizni, xelqlirimizni qoghdash we mudapie küchimizni eng yuqiri sewiyege chiqirish üchündur» dédi.