erdoghan bügün qatarda resmiy ziyarette bolidu

türkiye awazi radiyosi xewiri: jumhur reis erdoghan paytext dohada qatar emiri sheyx tamim bin hemmad el sani teripidin resmiy murasim bilen qarshi élinidu.

ikki rehber murasimdin kéyin, ayrim körüshidu. türkiye-qatar munasiwetlirining her qaysi terepliri muzakire qilinidighan uchrishishta, afghanistan, süriye we liwiye mesilisi qatarliq rayondiki özgirishler üstide pikir almashturulidu.

jumhur reis erdoghanning qatar ziyariti jeryanida, mewjut hemkarliqni kücheytidighan qedemlermu tashlinidu.

bu dairide, türkiye-qatar yuqiri istratégiyelik komitéti yighinining 7 - nöwetliki chaqirilidu.

ikki dölet otturisida 2015 – yili ötküzülgen komitét yighinliri netijiside, sodidin énérgiyegiche, mudapiedin sanaetkiche bolghan nurghun sahede 62 kélishim imzalanghan idi.

erdoghan we el sanining riyasetchilikidiki 7 – nöwetlik yighinda, her türlük kélishimler imzalinidu.