qalin: xelqara jemiyet köchmenler kirizisini hel qilishta meghlubiyetke uchridi

jumhur reislik mehkimisi bayanatchisi ibrahim qalin, xelqara jemiyetning qanunsiz köchmenler kirizisini bir terep qilishta meghlubiyetke uchrighanliqini otturigha qoydi.

1742921
qalin: xelqara jemiyet köchmenler kirizisini hel qilishta meghlubiyetke uchridi

türkiye awazi radiyosi xewiri: jumhur reislik mehkimisi bayanatchisi ibrahim qalin, italiye tashqi ishlar ministirliqi bilen xelqara siyasiy tetqiqatlar institutining orunlashturushida rimda chaqirilghan 7 – nöwetlik aqdéngiz diyalog munbirining «ottura sherq we shimaliy afriqada küch tengpungluqi we amérika mewjutluqining kelgüsi» témiliq yighinigha ishtirap qilip, xelqara jemiyetning qanunsiz köchmenler kirizisini bir terep qilishta meghlubiyetke uchrighanliqini otturigha qoydi.

türkiyening töt milyon süriye puqrasini kütüwalghanliqini tilgha alghan qalin,  yawropa ittipaqi bilen imzalanghan köchmenler kélishimining qaytidin muzakire qilinishi kéreklikini, gherb döletlirining bu jehettiki siyasitining toghra emeslikini, tertipsiz köchmenlerge peqet sanliq melumat süpitide qariliwatqanliqini tekitlidi.

bayanatchi ibrahim qalin, yawropa ittipaqining köchmenler mesilisi üchün türkiyege ajritip bergen 6 milyard yawro yardimi toghrisidimu toxtilip: «eger biz mesilining chongluqini oylishidighan bolsaq, bu héchnime emes» dédi.

u yighindin kéyin bayanat bérip, türkiyening sherqiy aqdéngizdiki aktip siyasiti heqqide toxtaldi؛ jumhur reis erdoghanning aqdéngiz döletliri bilen yaxshi munasiwet ornitish üchün qoyuq diplomatiye élip bériwatqanliqini bayan qilghan qalin, erdoghanning bir yildin köprek waqit ilgiri hem yawropa ittipaqi hemde bashqa döletlerni sherqiy aqdéngiz yighini échishqa chaqirghanliqini xatirilitip ötti.

ibrahim qalin yene, türkiyening süriye we liwiyening zémin pütünlüki we birlikini qollaydighanliqini sözlirige ilawe qildi.



مۇناسىۋەتلىك خەۋەرلەر