مەھسۇلاتلارغا «Made in Türkiye» ئىبارىسىنىڭ يېزىلىشى توغرىسىدا ھۆججەت چۈشۈرۈلدى

تۈركىيە ئاۋازى رادىيوسى خەۋىرى: جۇمھۇر رەئىس رەجەپ تاييىپ ئەردوغان ئىمزالىق ئۇقتۇرۇش ھۆججىتىدە، تۈركىيە جۇمھۇرىيىتى دۆلىتىنىڭ نەچچە مىڭ يىللىق دۆلەت ئەنئەنىسىگە ئاساسەن، قەدىم تۈرك مىللىتىگە يارىشىدىغان شەكىلدە سۈپەتلىك ۋە قىممەتلىك خىزمەتلەرنى روياپقا چىقارغانلىقى، خەلقنىڭ ئۇنى مەدەنىيەت ۋە قىممەت قارىشىنى قوغداشنى ۋە تېخىمۇ يۇقىرى پەللىگە كۆتۈرۈشنى ئاساسلىق ۋەزىپىلىرىنىڭ بىرى سۈپىتىدە قوبۇل قىلغانلىقى بايان قىلىندى.

بۇ تونۇشنى ياقلىغان ھالدا دۆلەت ئىچى - سىرتىدا ئېلىپ بېرىلغان خىزمەتلەردە تۈرك مىللىتىنىڭ ئۇزۇن تارىخىدىن كەلگەن قىممەت  قاراشلىرىغا ئالاھىدە ئەھمىيەت بېرىلگەنلىكى ئوتتۇرىغا قويۇلغان ھۆججەتتە، «تۈركىيە» ماركىسىنىڭ تۈركىيەنىڭ دۆلەت ئىچى ۋە خەلقئارا سەھنىدىكى ئەڭ يۈكسەك ماركىسى دەپ قوبۇل قىلىنغانلىقى تەكىتلەندى.

ھۆججەتتە: «تۈركىيە ئىبارىسى تۈرك مىللىتىنىڭ كۈلتۈرى، مەدەنىيىتى ۋە قىممەت قارىشىغا ئەڭ ياخشى شەكىلدە ۋەكىللىك قىلماقتا ۋە ئۇنى ئەڭ ياخشى ياخشى شەكىلدە ئىپادىلىمەكتە. بۇ دائىرىدە، ئېكسپورت مەھسۇلاتلىرىمىزدا  < Made in Turkey > ئىبارىسىنىڭ ئورنىغا <Made in Türkiye > دېگەن ئىبارىسىنى ئىشلىتىشنى باشلاپ، دۆلىتىمىزنىڭ خەلقئارا سودىدا ئىپتىخارى بولۇۋاتقان مەھسۇلاتلىرىمىز  <Türkiye> ئىبارىسى بىلەن تونۇتۇلدى ۋە پۈتكۈل دۇنيا بىلەن ئۇچراشتۇرۇلدى. بۇنىڭدىن كېيىنمۇ بارلىق ساھەلەردە دۆلىتىمىز ۋە خەلقىمىزنىڭ نەچچە مىڭ يىللىق بىرىكمىسىنىڭ <Türkiye> ماركىسى ئاستىدا ۋەكىللىك قىلىشى نىشان قىلىنماقتا.

<Türkiye> ماركىسىنى كۈچەيتىش دائىرىسىدە، باشتا باشقا دۆلەت، خەلقئارالىق ئىدارە – ئورگانلار بىلەن ئورنىتىلىدىغان رەسمىي مۇناسىۋەتلەر بولۇپ، ھەر خىل پائالىيەت ۋە خەت – چەكلەردە <Turkey>، <Turkei>، <Turquie> قاتارلىق ئىبارىلەرنىڭ ئورنىغا <Türkiye> ئىبارىسىنىڭ يېزىلىشىغا ئالاھىدە سەزگۈرلۈك بىلەن قارىلىدۇ» دېگەن ئىبارىلەرگە ئورۇن بېرىلدى.