jumhur reis erdoghan kerem qénéq we jagan chapagéynni qobul qildi

türkiye awazi radiyosi xewiri: jumhur reislik mehkimisi uchur – alaqe ishliri idarisining bildürüshiche, istanbuldiki xalich qurultay merkizide ötküzülgen qobul qilish yighinida, musapirlargha, bolupmu türkiye we qoshna döletlerdiki süriyeliklerge insanperwerlik yardem bérish paaliyiti we istanbulning insanperwer yardem dunyasining arqa sep bazisi bolushi yolida élip bériliwatqan xizmetler toghrisida pikir almashturulghan.

jumhur reis erdoghan, türkiyening süriyeliklerge qarita ishlewatqan öz ixtiyarliqi bilen döletlirige qaytish xizmetlirige  xelqara qizil hilal ay-qizil krést jemiyetliri fédératsiyesi we xelqara jameiyetning téximu ünümlük yardem bérishi kéreklikini tekitligen.

qizil ay jemiyiti bashliqi qénéq we xelqara qizil hilal ay-qizil krést jemiyetliri fédératsiyesi bash katipi chapagéynmu pursetla tapsa musapirlarning azab - oqubetlirini otturigha qoyup kéliwatqan we ulargha insanperwerlik yardimi bériwatqanliqi üchün jumhur reis erdoghangha rehmet éytti.