chawushoghlu latwiye diplomatiye ministiri bilen körüshti

tashqi ishlar ministiri mewlüt chawushoghlu shimaliy atlantik ehdi teshkilati tashqi ishlar ministirliri yighini üchün dölet ishliri ziyaritide boluwatqan latwiyede sahibxan döletning diplomatiye ministiri édgars rinkéwich bilen körüshti.

1741381
chawushoghlu latwiye diplomatiye ministiri bilen körüshti

türkiye awazi radiyosi xewiri: chawushoghlu bilen rinkéwich, paytext rigada dawamlishiwatqan shimaliy atlantik ehdi teshkilati tashqi ishlar ministirliri yighinining  ikkinchi künidiki olturushliri esnasida bir yerge jem boldi.

chawushoghlu, ammiwi ortaqlishish tor bétidiki sehipiside, bu heqte élan qilghan bayanatida, mundaq dédi: «uchrishishta, latwiye bilen siyasiy we iqtisadiy hemkarliqimizni tereqqiy qildurush iradimizning qetiylikini qayta tekitliduq.»

chawushoghlu, ilgirimu gollandiye we engliye diplomatiye ministirliri bilen körüshkenidi.

ministir chawushoghlu, gollandiye diplomatiye ministiri knapén bilen bir yerge jem bolghandin kéyin, ammiwi ortaqlishish tor bétidiki sehipiside élan qilghan bayanatida, uchrishishta, ikki dölet otturisidiki soda – iqtisad munasiwetliri we afghanistanning nöwettiki weziyiti heqqide muzakire élip barghanliqlirini bildürgenidi.

engliye tashqi ishlar weziri liz tras bilenmu bir yerge jem bolghan chawushoghlu, uchrishishta, dölet mudapiesi sanaiti saheside hemkarliq ornitish, tertipsiz köchmenler we rayonluq mesililer heqqide muzakire élip barghanliqlirini qeyt qilghanidi.

 chawushoghluning, shimaliy atlantik ehdi teshkilati tashqi ishlar ministirliri yighini dairiside, üch tereplik uchrishishlarni élip bérishni dawamlashturushi kütülmekte.


خەتكۈچ: #yighin , #nato , #riga , #latwiye , #chawushoghlu

مۇناسىۋەتلىك خەۋەرلەر