chawushoghlu gollandiye we engliye diplomatiye ministirliri bilen körüshti
tashqi ishlar ministiri mewlüt chawushoghlu latwiyening paytexti rigada ötküzülgen shimaliy atlantik ehdi teshkilati tashqi ishlar ministirliri yighinining birinchi künidiki olturushigha qatnashqandin kéyin, ikki tereplik uchrishishlarni élip bardi.
türkiye awazi radiyosi xewiri: chawushoghlu, aldi bilen, gollandiye diplomatiye ministiri bén knapén bilen körüshti.
ministir chawushoghlu, gollandiye diplomatiye ministiri knapén bilen bir yerge jem bolghandin kéyin, ammiwi ortaqlishish tor bétidiki sehipiside élan qilghan bayanatida, uchrishishta, ikki dölet otturisidiki soda – iqtisad munasiwetliri we afghanistanning nöwettiki weziyiti heqqide muzakire élip barghanliqlirini bildürdi.
engliye tashqi ishlar weziri liz tras bilenmu bir yerge jem bolghan chawushoghlu, uchrishishta, dölet mudapiesi sanaiti saheside hemkarliq ornitish, tertipsiz köchmenler we rayonluq mesililer heqqide muzakire élip barghanliqlirini qeyt qildi.
chawushoghluning, shimaliy atlantik ehdi teshkilati tashqi ishlar ministirliri yighini dairiside, üch tereplik uchrishishlarni élip bérishni dawamlashturushi kütülmekte.
