erdoghan: méyiplarni ishqa orunlashturush jehette rékort yarattuq

türkiye awazi radiyosi xewiri: jumhur reis rejep tayyip erdoghan özlirining (19 yilliq hakimiyet yürgüzüsh mezgilide) hazirghiche 62 ming 337 méyipni ishqa orunlashturush arqiliq bu sahede rékort yaratqanliqini, hemde bu sanning kelgüside téximu köpiyidighanliqigha ishinidighanliqini bildürdi.

jumhur reis erdoghanning izmirning menemen nahiyeside ötküzülgen «tosuqlarni birlikte yengduq - izmir uchrishishi» paaliyiti jeryanidiki körünüshliri ortaqlishildi.

özining tenterbiye, senet, maarip we soda hayatida muweppeqiyet hékayiliri yazghan méyiplar bilen körüshkenlikidin tolimu xushal ikenlikini bildürgen erdoghan, bu ehmiyetlik yighilishqa ishtirak qilghan barliq kishilerge rehmet éytti we sözini dawamlashturup: «biz hazirgha qeder 62 ming 337 méyipni ishqa orunlashturush arqiliq bu sahede rékort yarattuq. nöwette, méyiplarning omumiy hökümet xizmetchiliri arisidiki nisbiti %2 ke yéqinlashti. ishinimenki, bu san aldimizdiki mezgilde téximu köpiyidu. siler tosuqlarni yéngishning hemmidin awwal bir ishench mesilisi ikenlikini her küni ispatlawatisiler, biz silerning tenterbiye, senet, soda hayati, siyaset, maarip we bashqa sahelerde qolgha keltürgen netijiliringlardin pexirlinimiz. biz méyip qérindashlirimizning turmushtiki barliq sahelerge héchqandaq tosalghusiz halette ishtirak qilishigha kapaletlik qilish üchün pütün küchimiz bilen tirishchanliq körsitiwatimiz. mekteplirimiz, sheherlirimiz we kochilirimizni qayta berpa qilish arqiliq méyip qérindashlirimizning aldimizdiki tosuqlarni bir - birlep yoqitishqa tirishiwatimiz» dégenlerni qeyt qildi.