jumhur reis erdoghan türkmenistanda
jumhur reis rejep tayyip erdoghan «TRK» tipliq mexsus ayropilan bilen dölet ishliri ziyaritide bolidighan türkmenistanning paytexti ashxabadqa yétip bardi.
türkiye awazi radiyosi xewiri: jumhur reis erdoghan, ashxabad xelqara ayrodurumida, türkmenistan ministirlar kéngishining muawin reisi chari qilichow, türkiyening ashxabad bash elchisi togan oral we elchixana xadimliri teripidin qarshi élindi.
erdoghan, dölet ishliri ziyaritidin kéyin, iqtisadiy hemkarliq teshkilatining, türkmenistan prézidénti gurbanguli berdimuhemedowning riyasetchilikide 28 – noyabir küni chaqirilidighan «kélechekke birlikte qedem tashlash» témiliq 15 – nöwetlik bashliqlar yighinigha ishtirak qilidu.
jumhur reis erdoghanning, iqtisadiy hemkarliq teshkilatining nöwetchi reislik wezipisini türkmenistan prézidénti gurbanguli berdimuhemedowgha ötküzüp béridighan bashliqlar yighini dairiside, ishtirakchi bir qisim eza döletlerning rehberliri bilen ikki tereplik uchrishishlarni élip bérishimu kütülmekte.
