chawushoghlu: asiya eng chong istémal baziri süpitide qed kötürüwatidu
tashqi ishlar ministiri mewlüt chawushoghlu asiyaning peqet ishlepchiqirish merkizi süpitidila emes, yene eng chong istémal baziri süpitidimu qed kötürüwatqanliqini éytti.
türkiye awazi radiyosi xewiri: ministir chawushoghlu, türkmenistanning paytexti ashxabadta chaqirilghan islam hemkarliq teshkilati diplomatiye ministirliri yighinida qilghan sözide, yershariwi teminlesh zenjirliride tarixiy özgirishlerning barliqqa kéliwatqanliqini tekitlep mundaq dédi: «asiya peqet ishlepchiqirish merkizi süpitidila emes, yene eng chong istémal baziri süpitidimu qed kötürmekte, bu ehwal hemmimiz üchün muhim pursetlerni sunmaqta, islam hemkarliq teshkilati, asiya qitesi bilen yawropa qitesi otturisidiki iqtisad - soda hemkarliq köwrüki süpitide heriket qilishi kérek, shu wejidin, qatnash we eshya oboroti karidorlirigha ehmiyet bérishi lazim, biz rayon sodisi we alaqini yaxshiliyalighandila , andin yer shariwi sodidin téximu köp nepke érishelishimiz mumkin.»
ashxabad bashliqlar yighinining 28 – noyabir küni chaqirilidighanliqini eskertken chawushoghlu, mundaq dep körsetti: ««buningdin 29 yil ilgiri 28 – noyabir küni 7 yéngi ezani kütüwalghaniduq, bügünki künge kelgende ilgirikige qarighanda téximu köp bir gewdileshtuq, biz qobul qilidighan höjjetlerning bir gewdilishishimizni kücheytidighanliqigha ishinimen.»
