erdoghan ayallargha qaritilghan zorawanliqqa qarshi turush küni munasiwiti bilen télégramma tarqatti

türkiye awazi radiyosi xewiri: jumhur reis rejep tayyip erdoghan: «25-noyabir xelqara ayallargha qaritilghan zorawanliqni tügitish künining, aldi bilen étiqadimiz, medeniyitimiz we qimmet qarishimizning sirtidiki bu mesilining pütünley yoqilishida türtkilik rol oynishini ümid qilimen» dédi.

jumhur reis erdoghan 25- noyabir xelqara ayallargha qaritilghan zorawanliqni yoqitish küni munasiwiti bilen tiwittérdiki adrésida télégramma tarqitip: «kishilik hoquq depsendichilikining bir qismi bolghan ayallargha qaritilghan zorawanliq — epsuski—  pütkül dunya üchün saqliniwatqan bir mesile. shuni estin chiqarmasliqimiz kérekki, xanim – qizlargha qaritilghan zorawanliqqa qarshi turush animizning, ayalimizning, qizimizning heqqini, hoquqini, izzet – abroyini qoghdash kürishidur. bu mesilini her qaysi tereplerning étiqadi, tirishchanliqi we hemkarliqi sayisida yoqitish mumkin» dégenlerni qeyt qildi.

erdoghan ayallargha qaritilghan zorawanliqqa qarshi turush iradisining qetiyliki tekitlengen télégrammsiida yene: «biz hazirghiche her sahediki hoquq kürishide ayallarning yénida turup kelduq, buningdin kéyinmu shundaq qilimiz. ayallargha qaritilghan zorawanliqni insaniy we exlaqiy qimmet qarishimizni kücheytish arqiliq — inshaallah — pütünley yoqitimiz, iradimiz qetiy» dégen ibarilerge orun berdi.