türkiye-ereb birleshme xelipiliki munasiwetliri rayon tinchliqi üchün muhim

türkiye awazi radiyosi xewiri:  fahrettin altun twittér adrésida, jumhur reis rejep tayyip erdoghanning ebu zabi weliehdi shahzadisi sheyx muhemmed bin zayid alnahyanning körshüshi toghrisida uchur hembehirlidi.

u: «bu ziyaret dölitimizning rayon tinchliqi we muqimliqni ornitish tirishchanliqlirini ispatlighan muhim ziyaret boldi. soda, énérgiye we muhit saheliride imzalanghan kélishimler iqtisadiy munasiwetlerni kücheytidu» dédi.

u kélishimlerning köp éhtiyajliq bolghan hemkarliq ornitish nishanini téximu tereqqiy qildurushigha wesile bolushini ümid qilidighanliqini eskertip: «türkiye rayonda muqimliq we tinchliq üchün her daim muhim küch bolidu. xususiy shirketler otturisidiki kélishimlerdin bashqa, aksiye bazarliri we portlirimizgha meblegh sélish kélishimlirimu iqtisadiy munasiwetlirimizni kücheytidu. aldimizdiki yillarda soda munasiwetlirimizni tereqqiy qildurush aldin ehmiyet béridighan muhim ishlirimizning biri bolidu. türkiye bilen ereb birleshme xelipilikining iqtisadiy munasiwetlerni kücheytish we rayonluq hemkarliq pursetliridin paydilinish iradisi qetiy. buning türkiye-pars qoltuqi munasiwetliride rayonluq muqimliq nuqtisidin yéngi dewrning bashlanghuchi bolidighanliqigha ishinimiz» dédi.